तिरुपती यार्डमध्ये कामांमुळे ट्रॅफिक ब्लॉक; काही गाड्यांच्या वेळेत बदल व मार्गांतर
नांदेड | तिरुपती यार्ड येथे ब्रिज क्रमांक 154 चे पाइप टाइपवरून बॉक्स टाइपमध्ये रूपांतर करण्याचे काम हाती घेण्यात आले असून, या कामासाठी 27 एप्रिल ते 2 मे 2026 दरम्यान प्रत्येकी 6 तासांचे ट्रॅफिक ब्लॉक मंजूर करण्यात आले आहेत. या कामामुळे काही गाड्यांच्या वेळापत्रकात तात्पुरते बदल करण्यात आले आहेत.
रेल्वे प्रशासनाने दिलेल्या माहितीनुसार, गाडी क्रमांक 07189 हजूर साहिब नांदेड – धर्मावरम एक्सप्रेस ही 1 मे 2026 रोजी हजूर साहिब नांदेड येथून तब्बल 6 तास उशिराने सुटणार आहे.
तसेच, गाडी क्रमांक 07605 तिरुपती – अकोला एक्सप्रेस ही 1 मे 2026 रोजी तिरुपती – रेणिगुंटा – गुत्ती मार्गे वळविण्यात येणार आहे. मार्गांतरामुळे ही गाडी पाकाला, पिलेर, मदनपल्ले रोड, मुलकल्लाचेरुवू, कादिरी, धर्मावरम आणि अनंतपूर या स्थानकांवर थांबणार नाही.
रेल्वे प्रशासनाने प्रवाशांना या तात्पुरत्या बदलांची नोंद घेऊन आपल्या प्...