खत टंचाईवरून हिमायतनगरात शेतकऱ्यांचा संताप; कृषी कार्यालयासमोर अर्धनग्न आंदोलन
स्थानिक शेतकऱ्यांना खत नाकारून बाहेरील लोकांना पुरवठ्याचा आरोप; कृषी विभागाच्या भूमिकेवर प्रश्नचिन्ह
हिमायतनगर, अनिल मादसवार| खरीप हंगाम तोंडावर असताना हिमायतनगर तालुक्यात खत टंचाईचा प्रश्न गंभीर बनला असून, खत वितरणातील कथित अनियमितते विरोधात शेतकऱ्यांचा संताप उफाळून आला आहे. तालुक्यातील कृषी दुकानदार आणि कृषी विभागाच्या संगनमतातून स्थानिक शेतकऱ्यांना खतापासून वंचित ठेवून काळाबाजार करण्याचा प्रयत्न होत असल्याचा गंभीर आरोप राष्ट्रवादी काँग्रेस (अजितदादा गट) चे तालुकाध्यक्ष वामनराव पाटील वडगावकर यांनी केला आहे.
या निषेधार्थ सोमवारी (दि. ८ जून) रोजी हिमायतनगर येथील तालुका कृषी अधिकारी कार्यालयासमोर वामनराव पाटील वडगावकर यांनी तब्बल तासभर अर्धनग्न आंदोलन करत कृषी विभाग व खत विक्रेत्यांच्या कथित मनमानी कारभाराचा जाब विचारला. या आंदोलनाचे व्हिडिओ आणि छायाचित्रे सोशल मीडियावर मोठ्या प्रमाणा...