Tag: एक ठार

हिमायतनगर| सरसम ते हिमायतनगर मार्गावरील म्हसोबा नाल्याजवळ झालेल्या भीषण अपघातात एका तरुणाचा जागीच मृत्यू झाला असून दोघे गंभीर जखमी झाले आहेत. या घटनेमुळे परिसरात हळहळ व्यक्त केली जात आहे. मिळालेल्या माहितीनुसार, सरसम येथील रमेश गुंडेकर, अविनाश गोखले व लखन पंड्या हे तिघे शुक्रवार दिनांक 10 रोजी रात्री 8 वाजता मोटरसायकलवरून हिमायतनगरहून सरसम गावाकडे जात होते. दरम्यान, भरधाव वेगात येणाऱ्या अज्ञात वाहनाने त्यांच्या दुचाकीला जोरदार धडक दिली. या भीषण धडकेत लखन पंड्या यांचा जागीच मृत्यू झाला, तर रमेश गुंडेकर आणि अविनाश गोखले हे गंभीर जखमी झाले आहेत. जखमींना तत्काळ हिमायतनगर येथील ग्रामीण रुग्णालयात उपचारासाठी दाखल करण्यात आले आहे. अपघातानंतर अज्ञात वाहनचालक फरार झाला असून, पोलिसांकडून त्याचा शोध सुरू आहे. या घटनेमुळे सरसम–हिमायतनगर मार्गावरील वाहतुकीच्या सुरक्षेबाबत प्रश्नचिन्ह निर्म...