Tag: ई-गव्हर्नन्स सुधारणा

नांदेड, अनिल मादसवार| राज्यात राबविण्यात आलेल्या 150 दिवसांच्या ई-गव्हर्नन्स सुधारणा कार्यक्रमात नांदेड पोलिस परिक्षेत्राने राज्यात प्रथम क्रमांक पटकावत उल्लेखनीय यश संपादन केले आहे. या भरीव कामगिरीबद्दल पोलिस उपमहानिरीक्षक शहाजी उमाप यांचा मुख्यमंत्री देवेंद्र फडणवीस यांच्या हस्ते विशेष सन्मान करण्यात आला. मुंबई येथे पार पडलेल्या कार्यक्रमात मुख्यमंत्री देवेंद्र फडणवीस यांनी उमाप यांना प्रशस्तीपत्र देऊन गौरविले. यावेळी नांदेड परिक्षेत्रात राबविण्यात आलेल्या विविध नाविन्यपूर्ण उपक्रमांची माहितीही सादर करण्यात आली. राज्य शासनाच्या निर्देशानुसार राबविण्यात आलेल्या या मोहिमेत प्रशासन अधिक पारदर्शक, गतिमान व जनतेसाठी सुलभ करण्यावर भर देण्यात आला होता. नांदेड परिक्षेत्राने यामध्ये पुढाकार घेत ‘सरकार पोर्टल’, ई-ऑफिस प्रणाली, डेटा डॅशबोर्ड, सोशल मीडिया एकत्रीकरण, तसेच नागरिकांच्या तक्रारींच...