नांदेड | सोशल मीडियावर खंजरासह फोटो पोस्ट करून दहशत निर्माण करणाऱ्या दोन तरुणांना नांदेड ग्रामीण पोलिसांनी ताब्यात घेत मोठी कारवाई केली आहे. या कारवाईत एकूण ₹50,500 किमतीचा मुद्देमाल जप्त करण्यात आला.
पोलीस अधीक्षक अविनाश कुमार यांच्या आदेशानुसार सोशल मीडियावर अवैध हत्यारांचे प्रदर्शन करणाऱ्यांवर विशेष मोहीम राबविण्यात येत आहे. याच पार्श्वभूमीवर इंस्टाग्रामवर खंजरासह फोटो पोस्ट करून “302” असा मजकूर टाकत दहशत निर्माण केल्याची माहिती पोलिसांना मिळाली. या प्रकरणी पोलिसांनी नवीन कोठा, नांदेड परिसरातील दोघांना पोलिसांनी एक खंजर, दोन मोबाईल फोन, स्प्लेंडर मोटारसायकल, एकूण किंमत : ₹50,500 मुद्देमाल जप्त केला आहे.
तपासादरम्यान आरोपीकडील मोटारसायकल ही चोरीची असल्याचे समोर आले. यासंदर्भात नांदेड ग्रामीण पोलीस ठाण्यात आधीच गु.र.नं. 286/2026 (कलम 303(2) भारतीय न्याय संहिता) अंतर्गत गुन्हा दाखल होता. पोलीस निरीक्षक भागवत नागरगोजे यांच्या नेतृत्वाखालील पथकाने गुप्त माहितीच्या आधारे ही कारवाई केली. आरोपींना ताब्यात घेऊन पुढील तपास सुरू आहे.
आरोपींकडून आणखी गुन्हे उघड होण्याची शक्यता निर्माण झाली असून, पोलिसांकडून सखोल चौकशी सुरू आहे. या उल्लेखनीय कारवाईबद्दल पोलीस अधीक्षक अविनाश कुमार यांनी संबंधित अधिकारी व कर्मचाऱ्यांचे कौतुक केले आहे.
